தமிழக வரலாறு மற்றும் நீர் மேலாண்மை: காலிங்கராயன் மற்றும் பாண்டியர் காலக் கல்வெட்டுகள்

காலிங்கராயன் கால்வாய் வரலாறு (Static GK)

ஈரோடு மாவட்டத்தில் விவசாயப் புரட்சிக்கு வித்திட்டவர் காலிங்கராயன். இவர் கி.பி. 1270-ஆம் ஆண்டு தனது சொந்தச் செலவில் பவானி நதியையும், நொய்யல் ஆற்றையும் இணைக்கும் வகையில் ஒரு கால்வாயை வெட்டினார். சுமார் 90 கிலோ மீட்டர் தொலைவு கொண்ட இந்தக் காலிங்கராயன் கால்வாய், 12 ஆண்டுகள் உழைப்பில் உருவாக்கப்பட்டது. இது ஈரோடு மாவட்டத்தின் பாசன வசதிக்கு இன்றும் மிக முக்கிய ஆதாரமாக விளங்குகிறது. நதி நீர் இணைப்புத் திட்டங்களுக்கு இது ஒரு வரலாற்று முன்னோடியாகக் கருதப்படுகிறது.

மணிமண்டபம் மற்றும் சிலை திறப்பு

காலிங்கராயனின் சேவையைப் போற்றும் வகையில், ஈரோடு மாவட்டம் வெள்ளோட்டில் 7 அடி உயரமுள்ள காலிங்கராயனின் முழு உருவ வெண்கலச் சிலையை தமிழக முதலமைச்சர் மு.க.ஸ்டாலின் காணொளி வாயிலாகத் திறந்து வைத்தார். மேலும், காலிங்கராயன் கால்வாயைப் புனரமைக்க ₹86 கோடி நிதி ஒதுக்கப்பட்டுள்ளதாக அரசு அறிவித்துள்ளது.

பாண்டியர் காலக் கல்வெட்டு கண்டுபிடிப்பு

விருதுநகர் மாவட்டம் சாத்தூர் அருகே கோல்வார்பட்டி அணைப் பகுதியில் 13-ஆம் நூற்றாண்டைச் சேர்ந்த பாண்டியர் காலக் கல்வெட்டு கண்டுபிடிக்கப்பட்டுள்ளது. இது மாறவர்மன் குலசேகர பாண்டியனின் 18-வது ஆட்சி ஆண்டைச் சேர்ந்ததாகும். இக்கல்வெட்டில் "எம்மண்டலமும் கொண்டருளிய" என்ற மெய்க்கீர்த்தி இடம்பெற்றுள்ளது. மேலும், தற்போது இருக்கன்குடி என்று அழைக்கப்படும் ஊர், அக்காலத்தில் "இருக்கை குடி" என்று அழைக்கப்பட்டதற்கான வரலாற்றுச் சான்றுகள் இதில் கிடைத்துள்ளன.